就快復活節。

聽日日本放假，香港後日開始放假，我依家已經holiday mood。

睇完領個篇，睇左個預告…我諗我唔夠膽睇套片，但係又好想知結局wo，領，可唔可以講我知呢？

雖然話放復活節假，但係我既schedule只係填左22同24號。22係大家既tea buffet日，24號好久不見打波日。其他時間，都係會係屋企hea。

其實我幾鍾意係屋企hea的，我鍾意係企攤，想訓就訓既感覺，可能住得遠，出街覺得好麻煩。

我連行十分鐘去市中心都唔願，甚至落街五分鐘距離去飲茶都唔去個隻。

可想而之我有幾懶。工作上，我有時會選擇逃避。將難既task放到最後先做。

易既快快手搞掂先。壓力，好多時都係自己比自己。

可能習慣左係呢度做野，人地問你一句，你要覆十句。所以覆得唔夠好個陣，就會覺得自己係咪因為太懶。

日本打黎，有時我都覺得佢煩唔聽。只係覺得佢地點極都唔明。

有點自視過高。可能自己只不過係一隻棋子。

太自滿，就會搵唔到進步既空間。

我覺得自己可以發展雙倍潛能。不過唔係話我想做就可以做。

希望新一年(我公司四月為新一個年度)，可以慢慢改變，做得好D。呢個，係我對自己係工作上既要求。